| Staðsetning: |
Skollahvilft ofan Flateyrar. |
| Dagsetning myndar: |
Vorið 1996. |
| Efni: |
Skoðunarferð vegna fyrirhugaðrar hönnunar
snjóflóðavarnarmannvirkja við Seljaland Ísafirði og ofan Flateyrar. |
| Á myndinni eru: |
nn, Þorsteinn Sæmundsson, Frode Sandersen, Karstein Lied, Magnús
Már Magnússon, Oddur Pétursson og Atli Hauksson. |
| Staðsetning: |
Draugahlíðarbrekka ofan Litlu Kaffistofunnar |
| Dagsetning myndar: |
Veturinn 1998-1999 |
| Efni: |
Snjósöfnunargirðing hönnuð af Árna Jónssyni og Plastmótun fyrir
Vegagerðina. Markmiðið var annars vegar að endurnýta plastefni,
t.d. ónýtar vegstikur, og hins vegar að minnka snjósöfnun inn á
veginn. Eins og sjá má virkar girðingin vel fyrir skafrenning úr
norðri. Skaflinn er myndarlegur en hann hefur ekki náð "fullum
þroska" ennþá!
Undanfarin ár hafa vetur verið snjóléttir og því lítill snjór
safnast við girðinguna. |
| Á myndinni er: |
Snjósöfnunargirðing. |
| Staðsetning: |
Haukadalur Dölunum |
| Dagsetning myndar: |
10. mars 2001 |
| Efni: |
Snjóflóð féll úr hlíðinni að kvöldi 7. mars 2001 og lenti það á
jeppa með fjölskyldu innanborðs. Jeppinn lenti í ánni neðan
vegarins, sjá myndina. Öll sluppu þau mjög vel, voru þó svolítið
köld og hrakin, en þau komust til síns heima síðar um nóttina.
Leiðinda veður var þegar snjóflóðið féll.
Á efri myndinni má sjá jeppann, illa útleikinn. |
| Á myndinni er: |
Þjóðvegurinn utan í hlíðinni. |
| Staðsetning: |
Tvísteinahlíð ofan heilsugæslubyggingarinnar í Ólafsvík. |
| Dagsetning myndar: |
20. mars 1995 |
| Efni: |
Snjóflóð féll úr hlíðinni aðfararnótt 20. mars 1995, niður á
heilsugæslubygginguna og skemmdi innanstokksmuni.
Myndin sýnir upptakasvæðið milli stoðvirkjanna. Mikið hefur skafið
í upptakasvæðið en þó sést hluti brotflatarins. |
| Á myndinni er: |
Neðri hluti Leifs Arnar Svavarssonar! |
|
Staðsetning: |
Neðan Traðargils Súðavík (um 200 m ofan byggðarinnar). |
|
Dagsetning myndar: |
September 1995. |
| Efni: |
Haustið 1995 var Ulrik Domås, snjóflóðasérfræðingur hjá NGI
Noregi, í heimsókn á Íslandi. Vefari ásamt Jóni Gunnari
Egilssyni og Svönu Haraldsdóttur fóru með hann til vestfjarða
til þess að skoða ummerki snjóflóðanna í Súðavík og til þess að
skoða aðra snjóflóðastaði þ.a.m. Flateyri.
Gengið var upp snjóflóðafarveginn ofan byggðarinnar í Súðavík,
upp á topp fjallsins, og síðan var haldið niður
snjóflóðafarveginn í Traðargili. Neðan gilsins komum við auga á
jarðvegsskemmdir á aurkeilunni. Ulrik var fljótur að átta sig á
að þær voru eftir steina sem fylgt höfðu snjóflóðinu frá því í
janúar.
Jarðvegsskemmdirnar, sem voru með 20-30 m bili á aurkeilunni,
voru raktar niður undir byggðina.
Þar fundum við tvo mjög stóra steina, sá stærri hefur líklega
vegið um 20 tonn. Hann má sjá á myndinni hér að ofan. |
| Á myndinni eru: |
T.v. Ulrik Domås frá NGI Noregi og Jón Gunnar Egilsson
Veðurstofunni. Myndina tók Árni Jónsson. |
|
Staðsetning: |
Draumdalagil Bláfjöllum |
|
Dagsetning myndar: |
Febrúar? 1995 |
|
Efni: |
Í byrjun febrúar 1995 lenti norskur telemark skíðamaður í
snjóflóði í
Draumdalagili skammt norðan Eldborgargils í Bláfjöllum. Aðstæður
voru með þeim hætti að norðan vindur hafði staðið í nokkra daga
og töluverðan snjó skafið í hlésvæði. Undir snjónum var veikt
lag sem gaf sig þegar skíðamaðurinn skíðaði inn í gilið með þeim
afleiðingum að snjóflóð fór af stað. |
|
Á myndinni eru: |
Björgunarmenn á vettvangi. Myndina tók Árni Jónsson. |
|
Staðsetning: |
Austan Bláfjalla við Kerlingarhnjúk. |
|
Dagsetning myndar: |
Mars? 1995 |
|
Efni: |
Eftir snjóflóðin í Súðavík 1995 héldu nokkrir galvaskri
björgunar-sveitarmenn til fjalla til að gera tilraun með
hitamyndavél.
Forsagan var sú að það hafði spurst út að kindur hafi fundist í
Súðavík með slíkri myndavél og því var ákveðið að gera smá
tilraun til að kanna virkni hennar.
Haft var samband við Hafstein Hilmarsson hjá Rannsóknarstofnun
byggingariðnaðarins og hann fengin í lið með okkur.
Þrír vatnsbrúsar með heitu vatni voru grafnir niður og látnir
bíða í nokkrar klst., á misjöfnu dýpi, meðan talið var að hitinn
frá vatninu næði að hita upp snjóþekjuna.
Síðan var tekið til við að mynda. Það var hins vegar sama hvað
reynt var, ekkert sást. Sólin hafði hins vegar mikil áhrif á
hitann í yfirborði snjóþekjunnar þannig að reynt var að skýla
myndatökustaðnum, sjá mynd.
Það var ekki fyrr en stungið var gat niður að vatnsbrúsunum að
hiti náði að streyma upp og e.ð. sást. Við vorum hins vegar
reynslunni ríkari og töldum þessar myndavélar ekki henta okkur í
björgunarstörfum a.m.k. ekki að sinni. |
|
Á myndinni eru: |
T.v. Jón Ingi Sigvaldason, Leifur Örn Svavarsson á bak við
Jón Inga, óþekktur og Hafsteinn Hilmarsson. Myndina tók Árni
Jónsson. |