Forsíða Janúar 2007
Janúar 2007
Snjóflóðanámskeið fyrir vélsleðamenn
Vélsleðamenn tilbúnir í slaginn!
Miðvikudagskvöldið 24. janúar 2007 var haldið stutt en
mög fjölmennt námskeið fyrir vélsleða-menn af höfuðborgarsvæðinu. Alls
mættu um 80 manns á námskeiðið sem haldið var í Bláfjöllum í súld og
rigningu.
Farið var yfir helstu atriði snjóflóðaleitar með ýlum og sett upp
leitarlína með stöngum.
Brotstál snjóflóðs sem féll við hliðina á stóra snjóflóðinu. Þykkt þess er um 60-70 sm á þessum stað.
Sunnudaginn 21. janúar 2007 lenti vélsleðamaður í
snjóflóði ofan Hrappsstaðaskála í Hlíðarfjalli. Félagar mannsins sýndu mikið
snarræði og fundu hann með snjóflóðaýli. Þessi snöru viðbrögð hafa líklega
bjargað lífi hans. Hann var síðar fluttur með þyrlu á Fjórðungssjúkrahúsið á
Akureyri.
Snjóflóðið sem féll þarna var um 1000 m á breidd og næstu nótt og daginn
eftir breikkaði svæðið enn frekar og var orðið um 1500 m.
Janúar 2007
Snjóalög í Tindfjöllum
Sunnudaginn 14. janúar 2007 voru nokkrir hjálparskátar
úr Kópavogi á ferð uppi í Tindfjöllum í frábæru veðri. Töluverður nýr snjór
var yfir öllu landinu en þrátt fyrir það var víða stutt niður á grjót.
Snjóþekjan var skoðuð vel og vandlega á einum stað og hér má sjá hvernig hún
er lagskipt. Þrátt fyrir þessa sýnilegu lagskiptingu eru þessi lög ágætlega
bundin saman.
