Snjó(flóða)skóflur
Samantekt haustið 2009
Hér er samantekt á nokkrum skóflum sem eru á markaðnum í
dag og vefari hefur fundið. Ekki er víst að allar þessar skóflur séu
til hér á landi en væntanlega er hægt að nálgast þær í gegnum umboðin eða
beint af netinu.
Allar upplýsingarnar eru eins og þær komu fyrir á heimsíðum
framleiðenda/seljenda.
Skjalið opnast sem pdf-skjal.
Samantekt 2007
Snjó(flóða)skóflur eru af
ýmsum gerðum og stærðum og það er því afar mikilvægt að þeir sem ætla að
nota slíkan grip séu vissir á því hvaða skófla hentar þeim hvað best.
Hér að neðan verður farið yfir nokkur atriði sem vert er að skoða þegar
verið er að ákveða skóflukaup.
Ferðamátinn
Það skiptir miklu máli hvernig
ferðamátinn er. Fjallgöngumenn kjósa helst að hafa eins létta og netta
skóflu eins og hægt er á meðan þeir sem ferðast um á farartækjum megin hluta
tímans geta leyft sér að burðast með aðeins efnismeiri og sterkari skóflu.
Úr hvaða efni eru
skóflurnar?
Hægt er að fá skóflur úr
álblöndum, stáli, fíber og plasti. Þær léttustu eru úr plasti, carbon-fíber
eða þunnri álblöndu og henta ágætlega til langra gönguferða en efnismeiri
skóflur úr álblöndum eða stáli henta fyrir styttri göngur og á eða með
farartækjum.
Handfang skóflu
Í megin atriðum er hægt að
tala um þrjár tengundir handfanga á skóflum. Fyrst ber að nefna s.k.
D-handfang, þá T-handfang og síðast L-handfang.
D-handfangið er talið það
besta enda hentar það vel til grips og mokandinn þreytist síður þegar
mikið þarf að moka við erfiðar aðstæður. Skóflur með D-handfanginu eru
yfirleitt öflugar skóflur og ekki þær léttustu.
T- og L-handföngin eru algeng á léttum plast, fíber og álskóflum en þau
henta ekki eins vel til mikils moksturs.
Skaft skóflu
Það eru aðallega tvö
þversniðsform á sköftum. Annars vegar er um að ræða hringlaga form og
hins vegar sporöskjulaga form.
Kostir sporöskju-formsins eru
þeir helstir að allt álag á festingar (fjaðurpinna sem smella í göt) á
skafti við blað er umtalsvert minna en í hringlaga formi. Í
sporöskjunni getur skafti ekki snúist við blaðið vegna formsins en það getur
það í hringlaga formi. Það eru því eingöngu pinnarnir sem koma í veg
fyrir að blað snúist á skaftinu í hringlaga formi. Ef þeir bila, eins
og æði oft hefur komið fyrir, þá er vart hægt að nota skófluna nema til séu
varahlutir á staðnum.
Lengd skafta er breytileg, sum
sköftin eru lengjanleg og þá getur heildar lengd skóflu verið um og yfir
metri að lengd. Stutta skóflur henta vel í litlu rými og þegar ferðast
er með þær en langar skóflur henta vel þegar grafa þarf djúpt niður í
snjóinn/snjóflóðið.
Sumar tegundir eru með lengjanlegu skafti og oftast er framlengingin inni í
skaftinu.
Sum sköft geyma jafnvel stuttar og grannar snjóflóðaleitarstangir!
Blað skóflu
Ef menn vilja fá sér virkilega
góðar og öflugar skóflur úr álblöndum þá er rétt að athuga hvort blaðið er
sérstaklega hert eða ekki. Slíkar skóflur eru sennilega þær bestu á
markaðnum í dag.
Þessar skóflur eru heppilegar fyrir þá sem geta ferðast um á farartækjum eða
fara í stuttar ferðir og þurfa ekki að velta þyngdinni mikið fyrir sér.
Carbon-fiber skóflur eru mjög
léttar og eiga að vera sterkar samkvæmt því sem framleiðendur segja.
Sumir framleiðendur carbon blaða bjóða endurnýjun á blaðinu brotni það við
eðlilegar aðstæður.
Það er ekki eingöngu blaðið
sem þarf að vera sterkt heldur einnig festingin við skaftið. Misjafnt
er hvernig það er útfært eftir því hvort um plast- eða málmblöð er að ræða.
Hér að neðan eru slóðir á
vefsíður sem eru með skóflur á boðstólum.
http://www.voile-usa.com/avygear.html
http://www.ortovox.com/typo7/index.php?id=22&L=1
http://www.life-link.com/llshovels.htm
http://backcountryaccess.com/bca_products/shovels_probes.php
http://www.stubai-bergsport.com/avalanche_shovel_rescue_produkte_art_15346.html